බිඟුන් නැතුවත් රොණින් බරවූ උපුල් නැහවූ වත්සුණු
සඳුන් අරණකි සෙමින් කෙහෙරල් රනින් බර වී නැළවුණු
රසින් අම පැන් පිරී කැලතෙන දියෙන් පිරි විල් පැරදුනූ
මතින් කිමිදී ගිලී වැතිරෙමු එයයි දෙව් ලොව සැඟවුණු
නෙළුම් පෙති මත රිදී පැහයට සැලී පිනි බිඳු විසිරුණූ
බරින් මල් කෙමි දරා රොන් බිඟු සොරා ගෙන යයි ලන් උණූ
නුවන් විමසයි මගෙන් රහසින් ලවන්මද ඒ පිම්බුනූ
විටින් විට නෙක හඟුම් කලතයි හැඩය රඳවා දේදුණූ
කුළින් කුළ හැපි නිශා තුන් යම ස්වප්නයක්මය අහරුණූ
සි‍ඳෙන්නට දිය නොදී උල්පත් වැසි සොයා විත් වැතිරුනූ
ස‍ඳෙන් පැහැ ගෙන රනින් බබළන රිදී රේඛා හැකිළුනූ
සිහින් දිය රැලි මවා තව විල සියපතේ පෙති පොපියනූ
